iFM Dear Bestfriend,
Just call me Skinny. Ang akong patambagan bahin sa nahitabo namu sa akong kauban sa boarding house.
Taguon lang natu siyas pangalan nga Patpat. Nag-eskwela ko dear bestfriend sa college ug siya nagtrabaho sa usa ka call center. Ako maoy taod2 na nga nagstay diri sa giboardingan. Ako ug ang akong amiga nga nagtrabaho na. Natural, nevermind ra man jud unta ko sa mga tawo, pero sa dihang una nga nanagad si Patpat, ngadto nagsugod ang tanan. Sabay2 ug kaonkaon sa salasala ngadto sa amung giboardingan, mag-inum-inum pa gani mi. Lingaw siya ikauban, kay kulit kaayo nga pagkalalaki ba,sipat. Unya iyang girlfriend, okay ra sad, dili kaayo magtingug. Mura gani ug under kaayo niya iyang girlfriend. Hinoon, di man sad gud kagandahan, nagwonder sad ko nganung katu nga girl iyang gipili.
Gwapo bya siya infairness, dili lisod nga maattract ang bisan kinsang babay niya. Ako, niadmire sad baya ko niya. Pero limit na bes, kay taken na.
Ako siyang gitreat as a friend, pero sa paglabay sa mga adlaw dear bestfriend, I felt something nga murag gentleman kaayo siya, nya kana bitawng nakabantay ko nga concerned kaayo siya nako. Kung nakakaon na ba daw ko, mangutana siyag asa ko mulakaw, mangutana na siyag unsa oras ang akong mga klase kay iya lage daw mabantayan nga muuli ko sa udto or sayu ko mauli sa gabii.
Naflattered ko kay iyaha jud diay nga mabantayan ang akong mga lihok. Natural, nakapangutana kog unsa man kaha ? Interesado man siguro ni siya nako ? Ay, dili ni mahimo, kay naa iyang uyab.
Until niabot sa point nga naginvite siya nakog shots daw mi one on one. “Wa ka nadaot? Mao jud akong reaksyon dear bestfriend, murag over ra akong reaction atu nga time but sa akong mind, “Basin gaaway ni silas iyang uyab” Ana siya nga wala diay kuno siyay duty kay nagsick leave siya nadisgrasya diay siyas motor sa niaging adlaw.
Nikagat sad ko dayon dear bestfriend, nagtagay ming duha. Sturyasturya about life hangtod nga naabot sa iyang relationship sa iyang girlfriend. Ana siya dear bestfriend, buwag balik na daw sila but ang girl jud kuno ang mugukod niya. Nag-una man kuno ug cheat ang girl niya, kay tungod sa ex atu nga silingan ra daw sa girl. Dili daw siya mutuo nga nagkauban ug usa ka gabii ang girl ug ex atu nga walay nahitabo. “Alangan mag mangluhod lang ug mag-ampo silang duha, di ba ? ” Pung pa niya.
Nagkalawm na ang gabii, wala iyang uyab kay nipauli sa ilang probinsya ug ang akong sang amiga, kada Friday, mupauli sad tu sa ilaha sa Catmon. Sa kahubog, naay nahitabo namung duha.
Nakamata nalang ko sa iyang kwarto. Labad akong ulo pero sure ko nga humana, nahitabo na. Nisamot ug kalabad akong ulo sa pagkarealize nako unsa ang nahitabo.
Ug, amung gitago ang nahitabo namung duha. Nagsorry man siya nako, pero wala daw siya magmahay sa nahitabo namu, wala ko kasabot, malipay ba ko? O masuko niya. Pero naa siyay uyab.
Gipalabay namu ang mga adlaw. Awkward kaayo. Dili ko makatutuk sa iyang girlfriend kung mag-abot mi sa sala.
Hangtod nga, mura nalang ug wala nako, balik ra gihapon sauna nga tinagdanay, si Patpat hinagad ra gihapon kaayo but galikay nako nga masolo ming duha didto.
But karun dear bestfriend, di man gud ko layagunon. 2 months na nga wala naabot akong period. Naa nakoy unusual nga mafeel. Buntis naman siguro ko. Naglibog jud ko unsay akong buhaton ug ako bang tug-anan si Patpat about ani ? Or ako bang ipakuha ni ? Dili pako ready, studyante pako dear bestfriend, wala ko magtoo nga maingon ani kay kausa ra man jud namu buhata tu.
Palihug tambagi ko.
Skinny
*Share your lifestories through our official facebook page 93.9 iFM Cebu or email us at ifmdearbestfriend@gmail.com <ifmdearbestfriend@gmail.com>*
