Ang pagpang-api sa mga babaye ang isa sa lapnagon kag nagapadayon nga human right violation sa aton nga kalibutan.
Suno sa report sang United Nations, sumugod sadtong 2005 tubtob 2016 sa 87 ka mga kapungsuran sa kalibutan, 19% sa mga kababainhan nga naga-edad 15 tubtob 49 ang nagasiling nga nakaagi sila sang pagpang-harass, pisikal man ukon sekswal sa sulod sang dose ka bulan antis ang survey. Ang mas malala pa suno sa report, kamatayon ang naagom sang pila ka mga biktima sini. Sadtong 2012, halos tunga sa mga babaye nga biktima sang intentional homicide sa bilog nga kalibutan ang ginpatay sang ila man lang nga intimate partner ukon miyembro sang pamilya, kun ikumparar sa 6% nga data sa mga lalaki nga biktima.
Sa Pilipinas naman, suno sa 2016 report sang Safe Cities Metro Manila progam, tatlo sa lima (1 out of 5) ka mga babaye ang naka-eksperyensya sang sexual harassment at least ka-isa sa ila kabuhi.
Sa pareho nga pagtuon nagapakita man nga isa sa pito (1 out of 7) ka mga babaye ang naka-eksperyensya sini at least ka-isa sa isa ka semana.
Kadam-an sa mga sexual harassment incidents sa mga babaye ang ginahimo sa verbal nga paagi pero 34% sa mga ini ang naka-eksperyensya sang ginatawag nga groping kag gin-harass pinaagi sa public exposure, ukon ang pagpakita sang mga private parts sang lalaki.
Apisar sang sini nga mga nagasaka nga numero, kadam-an sa mga babaye ang ginahipsan na lang ini bangud sa kahadlok nga tawgon nga ‘prostitute’ ukon hambalan nga ‘nag-enjoy man siya.’
November 25 ang ginakabig nga International Day for the Elimination of Violence against Women subong nga tuig 2017.
Ikaw, paano mo mapa-untat ang sexual harassment sa mga babaye sa inyo trabaho, eskwelahan ukon sa komunidad?
——————-
Like our official Facebook page: www.facebook.com/ifmbacolod943
