The New El Salvador City – Nagpahigayon ang iFM 99.1 CDO og libre nga Zumba sa Hinigdaan National High School Barangay Hinigdaan, dakbayan sa El Salvador niadtong Disyembre 21 ning tuiga. Ang maong kalingawan hiniusang gidalit sa iFM 99.1 inubanan sa mga buotan ug kugihan nga mga magtutudlo ug kabanay sa Hinigdaan National High School ingon man usab ang konseho sa Brgy. Hinigdaan ngadto sa mga lumulupyo niining dapita inabagan sa mga lideres sa Barangay hinigdaan, Xanthone Plus ug Botoy’s Lechon Manok Barbecue & Liempo.
Gawas sa libreng Zumba, nakadawat usab ang pipila ka mga partisepante og mga papremyo nga giandam sa iFM ilabina kadtong mga nakasubay sa aksyon sa mga Lisensyadong Zumba Instructor.
Aduna usab food feeding ug product sampling pagkahuman sa zumba. Kini duyog usab sa paningkamot sa tanang faculty member and staff sa Hinigdaan Hational High School isip ilang Alternative Christmas Party. Aron usab mahimong bulahanon ug tiunay nga mabati sa tanan labi na sa mga kabatan-onan ang esensiya sa kapaskuhan.
Dako usab ang among pagpasalamat sa mga mosunod nga mga personahe kang Ma’am Chuchie A. Quiring-School In-Charge sa Hinigdaan National High School, Ma’am Teresita Bastillada-Senior High School Coordinator, Sir Richard A. Sabellano-Guidance Advocate, Ma’am Leslie Dadole-SSG Adviser. Tungod kanila nahimong sayon ug posible ang tanan.
Ang iFM Zumba usa lamang sa mga Programa sa iFM ngadto sa mga barangay nga adunay tumong nga ma-promote ang makalingaw nga pamaagi sa pag-ehersisyo. Alang sa dugang kasayuran kabahin sa libreng iFM Zumba, mamahimong mobisita sa estasyon sa iFM 99.1 nga anaa nahimutang sa Echem-Velez Sts., Cagayan de Oro City.
