IGA RESCUEHON NA ANG TAGA GUIMARAS NAGA PANGAYU SANG BULIG MATAPOS GINDALA HALIN KUWAIT PA SAUDI KAG GIN PA OBRA SA LAIN LAIN NGA AMO KAG WALA SWELDO

Report ni: Jennifer Palomo Debaja

Isa naman ka OFW ang nagahilibion nga nagpangayu sang bulig marescue sa Saudi Arabia.

Ang pinakaulihi nga update, sya ang rescuehon na sang mga POLO officers pagkatapos nga nakalab-ot sa ila ang video sang OFW.


Siya si Geraldine Endencio Silva sang Jordan Guimaras. Gindeploy siya una sa Kuwait apang gindala sa Saudi kag gin pa obra sa lain lain nga amo nga wala sang sweldo.

Magluwas sa wala sang sweldo, ginasakit pa ini sang mga kabataan sang amo.

Suno sa iya pakaisa nga nagpalab ut sang video ni Geraldine, ang iya agency amo ang MMML RECRUITMENT sa Bacolod. Gin tinguhaan sini nga Kuntakon ang agency, apang ang sabat sa iya two years lang ang kontrata sang aplikante gani wala na sila sang mahimu.

Dugang pa, expired na ang passport ni Geraldine kag wala man ini sang IQAMA gani illegal kag wala sang papeles.

Nagpakitluoy siya ibalik sa Kuwait apang ginasugo pa siya nga malagyo. Butang nga iya ginakahangaw an subong tungod antis pa man kaabot sa EMBAHADA lima ka checkpoint ang iya maagyan.

Sa mga fellow advocates sa Saudi naga pangayo gid subong sang inyo bulig ang atun Kasimanwa nga marescue sa gilayon.

Facebook Comments