Davao City – Gituohan nga sa managlahi’ng tawo ang nakit-an ug napalgan nga upat ka mga paa sa may Brgy. Limao, Samal District, Island Garden City of Samal.
Sa gihimong pakighinabi sa DXDC 621 RMN Davao kang Wennie Pascua, driver sa Rivera Funeral Home ug usa sa nitabang sa pagkuha sa maong mga paa, nga una nga nakit-an ang katunga sa lawas niadtong milabay’ng semana nga dunay duha ka paa nga nakasuot og color blue nga undwerwear ug naka Hawaiian short pants nga pangligo.
Matud ni Pascua, ikaduhang narekober niadtong Hulyo 17, adlaw’ng Martes, alas 8:30 sa buntag ang duha ka paa nga pares apan bulag nga nakit-an nga naglutawlutaw sa dagat sa daplin sa baybay sa nahisgutan’g barangay.
Sa imbestigasyon sa kapulisan sa IGaCoS, kumpirmado nga gitagud-tagud ang maong paa.
Gi-awhag usab ni IGACOS Police Station Deputy Chief Police Sr. Insp. Arvin Ongcay ang publiko nga motunol og inpormasyon ngadto sa tulo ka distrito sa Samal District, Babak, Kaputian ug uban nga lugar aron masayran sa katawhan kun ang napalgang parte sa lawas iya ba sa ilang sakop sa pamilya kinsa missing ug wala pa makit-i hangtud ning tungora.
Sa karon wala pay nakit-an nga lawas sa duha ka tao human gitadtad sa wala pa mailhi nga suspetsado.
RadyoMaN Don Pulayao
