IGACOS PNP: Resort’s protocol compliance gi-monitor

24

IGaCoS – Wala pay natalang mga insidente o na-report nga nakalapas nga resorts sa Island Garden City of Samal (IGaCoS) sa ginapatumang health and safety protocols batok Coronavirus Disease 2019 (COVID-19).

Sa interbyu sa DXDC RMN Davao kang Police Major Romeo Mapanao, Chief of Police (COP) sa IGaCoS PNP, gibutyag niini nga nagasunod ang mga resorts sa protocol sama sa 75% nga capacity ug ‘No Booking, No Entry’ policy subay sa direktiba sa lokal nga panggamhanan.


“Wala man pud (violators) kay ang mga resort, in terms sa minimum health protocols, ginaobserbar man gyud nang 75% (capacity) nga gilatag sa ordinansa sa syudad. Unya gina-monitor pud sa (city) tourism office,” segun ni Mapanao.

Gibutyag ni Mapanao, aduna mga naka-deploy nga Tourist Police Unit (TPU) sa mga resort sa matag-distrito sa Babak, Samal ug Kaputian gawas pa sa Task Force Samal ug Philippine Coast Guard nga nagbantay sa lugar.

Niadtong Marso 1, 2021 subling giabrihan ang mga resort sa Samal human kini nagsirado tungod sa epekto sa COVID-19.

RadyoMaN Kirby Manzon



Facebook Comments