Manila, Philippines – Para kay Senator Francis Chiz Escudero, maaga pa para husgahan ngayon ang K-12 program ng Department of Education o DepEd.
Tugon ito ni Escudero sa mga puna kaugnay sa hindi agad pagkakaroon ng trabaho ng mga nagsipagtapos ng K to 12 program.
Katwiran ni Escudero, halos nagsisimula pa lang tayo kung saan hindi pa nakaka-adjust ang gobyerno pati ang pribadong sektor para sa K to 12 program.
Inihalimbawa ni Escudero ang ilang propesyon, tulad ng pagpupulis, na kailangan pang pag-aralan kung sapat na ba ang pagiging graduate ng K-12 para maging kwalipikasyon ng mga magiging kasapi nito.
Ayon kay Escudero, sa oras na maging sapat na ang pasilidad para sa mga estudyante sa K-12 program ay darating ang tamang panahon para sukatin kung ito ay epektibo.
