Manila, Philippines – Para kina Senators Ping Lacson at Chiz Escudero natural lang na may mga sundalo na makisimpatya kay Senator Antonio Trillanes IV.
Ayon kay Lacson, may mga mistah at nakasama si Senator Trillanes sa serbisyo na naniniwala sa kanyang ipinaglalaban.
Gayunpaman, idiniin ni Lacson na dapat pa ring manaig sa nabanggit na mga sundalo ang mga prinsipyo ng sandatahang lakas at pagiging tapat sa kanilang tungkulin.
Katwiran naman ni Escudero, ang pakikipagkaibigan ng ilang sundalo kay Trillanes ay hindi nangangahulugan na kikilos na sila laban sa kanilang sinumpaang tungkulin.
Facebook Comments
