Iginiit ni Deputy Speaker Loren Legarda na higit na kailangan ngayon ang bakuna ng ikalawang dose ng booster ng COVID-19 vaccine

Ito’y makaraang maitala ng OCTA research ang 7% growth rate ng mga bagong kaso ng COVID-19 noong nakaraang linggo.

Hiling ni Legarda na dapat samantalahin ng lahat ng mga immunocompromised ang pangalawang dose ng booster na sinimulan na noon pang Abril 25.

Apela ng mambabatas sa mga immunocompromised na magpaturok na ng bakuna laban sa COVID-19 dahil kumpleto ang ebidensya na epektibo ito sa paglaban sa sakit.

Target naman ng Department of Health (DOH) na magbakuna ng 690,000 immunocompromised individuals sa lahat ng priority groups sa bansa.