Manila, Philippines – Iginiit ni Senate President Pro Tempore Ralph Recto na hindi dapat magkaroon ng pakinabang o kita ang pamahalaan sa rice tariffication dahil hindi ito revenue measure.
Ayon kay Recto, ang salaping magmumula dito ay dapat gamiting tulong pinansyal sa mga magsasaka o pambili ng mga kagamitan sa bukid at insurance sa kanilang mga tanim.
Sa bersyon ng Senado ay inalis ang probisyong naglilimita sa hanggang 10-bilyong piso kada taon na rice competitive enhancement fund para sa mga magsasaka.
Diin ni Recto, ang lahat ng makokolekta sa importasyon ng bigas ay dapat 100-porsyentong mapunta sa mga magsasaka na posibleng umabot ng mahigit 13-billion pesos hanggang 27.7-billion pesos sa susunod na taon.
Facebook Comments
