Sa interbyu sa DXDC RMN Davao sa igsuon sa suspek nga si kanhi Kapitan sa Barangay Holy Cross, Manay, Davao Oriental Razel Bansag, dili sila makatoo nga mahimo kini sa iyang igsuong nga si Rex Bansag, 37 anyos, kanhi CAFGU Active Auxiliary (CAA).
Matud ni Bansag, dili usab siya kumbinsido sa CCTV footage tungod wala gayod maklaro sa video nga gihimo niini ang paghikog.
Dismayado usab kini tungod wala man lang nabantayan sa mga duty officer kung tinuod man nga gihimo niini ang pagkutlo sa iyang kinabuhi. Gikatingad-an usab niini ang gigamit nga hikot sa paghikug sa igsuon.
Kahinumduman, nadakpan niadtong Biyernes ang suspek kinsa gitudlong nanlugos og 11 anyos nga menor de edad. Gibutyag niini, adunay relasyon ang iyang igsuon ug ang maong menor de edad.
Sa pikas bahin, abli si Police Major Meliton Sango I, Manay Municipal Police Station commander sa imbestigasyon aron mawala ang duda sa insidente ug mapamatud-an nga walay foul play.
RadyoMaN Aimee Guinita
