An waray pa ngarani nga napatay in mga myembro han Sub-Regional Guerilla Unit (SRGU) under SRC EMPORIUM han Eastern Visayas Regional Party Committee (EVRPC).
Nakuha gihapon ha ira an duha nga M16 riffles.
Ha kabug-osan, sumaka na ha siyam an namatay tungod han pakig-engkwentro ha mga kasundalohan han 19th Infantry Commando Battalion.
Mababaruan nga natabo an syahan nga engkwentro dida han Dec. 2, 2024 ha kabubkiran han Brgy. Paco ha Las Navas, Northern Samar.
Lakip ha mga ginpangaranan nga napatay an hagtaas nga lider han kumunista nga grupo nga kinilala nga hira Ariel Baselga alyas Aries o Polly nga lumingkod kumo Secretary han SRC Emporium; Renar Diaz alyas Beloy o Monmon nga nagserbi kumo Vice-coomander han SRC Emporium.
Patay naman gihapon an mga myembro nga kinilala nga hira Reyt Tafalla alyas Bunso, James Arandia alyas Taying, Maricar Asinas alyas Ikar, ngan usa nga alyas alyas Kagid.
Hira in ginpangaranan han ira mga anay kaupod ha NPA.
Sumala kan Lieutenant Colonel Marvin A. Maraggun, Commanding Officer han 19IB, nagpapadayon an pagtuman han militar ngan poypoyon an kapabilidad han kumunista ngan siguraduhan an katalwasan han kumunidad. Iya naman gihapon ginpasalamatan an lokal nga mga opisyales ngan mga residente ha paghatag hin sakto nga impormasyon.
“These successful operations are result of the strong partnership between the Army and the communities of Barangays of Victory, Paco and Osmeña of Las Navas. We urge everyone to remain vigilant and continue to report any suspicious activities to aid our collective efforts in achieving lasting peace,” siring ni Lt. Col. Maraggun.
