By: Joanna Ricote
Mikanaog sa 64.28% ang ihap sa mga biktima sa pabuto sa Region 10.
Matud ni Dr. David Mendoza, ang spokesperson sa Department of Health Region 10, nga niadtong tuig 2016 mikabat sa 28 ang ihap sa mga nabuthan apan karong tuig 2017, mikabat sa 10 ang ihap sa mga nabuthan sa tibuok rehiyon.
Sa maong ihap, 6 niini ang gikan sa Bukidnon, 2 sa Misamis Occidental ug 1 sa Cagayan de Oro City samtang adunay isa ka biktima sa Gun shot wound sa Iligan City.
Nasayran nga dinhi sa Cagayan de Oro, adunay usa ka dos anyos nga batang babae ang nabuthan sa wala matinong klase sa pabuto niadtong pagtabo sa bag-ong tuig.
Basi sa datus sa DOH-X, nga ang sagad na mga biktima sa pabuto mao ang mga lalake, nga nag edad og 2 hangtod 58 anyos.
Sa kasamtangan, gitangtang na sa DOH ang code white sa mga hospital sa tibuok rehiyon.
