Ihap sa nagduso sa kandidatura sa COMELEC Bukidnon, muabot sa 9

44

Muabot na sa 9 ang nagduso sa kandidatura sa unang adlaw sa pagsugod sa pagdawat sa COMELEC sa Certificate of Candidacy.

Pinaka-aunang nagduso sa iyang COC si incumbent Governor Jose Maria R. Zubiri Jr. alas 9 sa buntag kagahapon nga subling magpapili isip gobernador sa lalawigan.

Duha usab ang nagduso sa pagka-bise gobernador sa Bukidnon nga gilangkuban nila ni Gordon Torres ug Alex Calingasan nga pulos mga independente.

Samtang nagduso usab sa iyang kandidatura si Mario Albarece Jr. nga magpapili isip board member sa unang distrito.

Apil usab sa mga nagduso sa ilang COC sila si Benito Baguio nga magpapili isip board member sa ikatulong distrito, Minerva Casinabe isip board member usab alang sa 3rd district.

Si Armstrong Gino Garcia, ug si Ranulfo Pepito, subling magpapili usab nga board member sa ika-upat nga distrito;

Samtang si Manuel Zubiri ngaduso na usab sa iyang COC nga magpapili isip Congressman sa ikatulong distrito.

Eksaktong ala singko sa hapon gisirad-an sa COMELEC ang pagdawat sa COC.

Facebook Comments