Sa pakighinabi sa DXDC RMN Davao kang Eric Rosillo, ang Operations and Warning Division Head sa Provincial Disaster Risk Reduction and Management Office (PDRRMO) Davao del Norte, anaa sa 8 ang kumpirmadong patay sa probinsya. Unom ka indibidwal o usa ka pamilyahan sa Kapalong tungod sa landslide, usa ang nalumos sa sa Asuncion ug usa sa Sto. Tomas.
Samtang sa press briefing nga gihimo sa PDRRMO Davao de Oro, anaa na usab sa 13 ang ihap sa nakabsan og kinabuhi, 2 ang missing ug 9 ang injured sa maong probinsya resulta sa Trough of Low Pressure Area (LPA).
Sa interview usab sa DXDC RMN Davao kang Office of the Civil Defense (OCD) XI Regional Director Ednar Dayanghirang, iyang gibutyag nga sa ulahi nilang datos, naa sa 18 pa lang ang ilang natalang kinatibuk-ang ihap sa namatay ug gina-consolidate pa sa ilang buhatan karon ang datos sa mga PDRRMOs sa rehiyon aron ma-report ang dugang casualties.
RadyoMaN Ivy Parido
