Pagadian City – Natala kagahapong adlawa ang pinakadaghang ihap sa mga nataptan sa Covid-19 dinhi sa probinsya sa Zamboanga del Sur.
Human nakatala ug nadugangan og 72 ka pasyente sulod lamang sa 24-oras base sa talaan Integrated Provincial Health Office (IPHO).
Hinungdan nga nipatong na sa 551 ka pasyente ang gi-atiman ug gi-obserbahan niining panahona sa tibook probinsya.
Gumikan niini, subling nagpahimangno ang Task Force sa probinsya nga sundon gayud ang gikalatid nga Health Safety Protocols ug likayan ang dili mahinungdanong lakaw ilabina sa mga lugar nga taas ang kaso sa Covid-19.
Gihingusgan usab karon sa Local Health Units ang contact tracing aron mapakgang ang pagkuyanap sa maong virus.
Facebook Comments
