Davao City – Mikunhod ang ihap sa mga nagapanigarilyo dinhi sa Pilipinas base sa datos nga nakuha sa Department of Health (DOH).
Kini maoy gibutyag ni DOH Tobacco Prevention and Control Program Manager Rosemarie Basanez diin matud niya mibaba sa 16.3-M gikan 17.3-M ka mga smokers dinhi sa nasud human usab gipatuman ang Graphic Health Warning (GHW) Law.
Sumala ni Basanez nga ang Bureau of Internal Revenue (BIR) ang mangulo sa Graphic Health Warning Law diin sila usab ang ahensiya nga magmonitor ug magimplementar sa maong balaod ilabi na sa pagpatong og tax niini.
Atol usab sa ika-16th Anniversary sa Anti-Smoking Campaign ning syudad ug pag-obserbar sa World No Tobacco Day kagahapong adlawa, gitataw ni Basanez nga mag-tanyag sila og Smoking Cessation Counseling alang sa mga gusto nang moundang sa pagpanigarilyo.
Base sa datos sa World Health Organization (WHO), aduna nay 1.4 billion smokers sa tibuok kalibutan diin 4.9 million niini mamatay matag tuig gumikan sa pagpanigarilyo.
RadyoMaN Jason Amisola
