Pagadian City – Walo na ka Person Under Investigation (PUI) suspect case ang namatay sa tibook probinsya sa Zamboanga del Sur.
Kini human nabugto-an sa gininhawa kagahapon ang 11-ka bulan nga bata nga gikan sa Brgy. Panubigan lungsod sa Pitogo, niining probinsya.
Namatay ang bata kagahapon didto sa Margosatubig Regional Hospital nga nag-antos sa lima ka adlaw nga kalibanga ug duha ka adlaw nga pag-ubo.
Nadiagnos ang pasyente sa balatian nga Pediatric Community Acquired pneumonia, Severe Acute Gastro-enteritis.
Gitala kini nga Covid suspect ug gikuhaan og swab aron e test sa pa kini nipanaw.
Samtang iabot na sa 74 ka Persons Under Investigation (PUIs) suspected case sa Covid-19 sa probinsya ang nakuhaan og swab test, 43 sa maong ihap ang negatibo, 31 ang wala pay resulta ug upat ang kompermado apan nakagawas na sa isolation area sa Zamboanga del Sur Medical Center ang tulo niini.
Mitotal nalang 258 ka Persons Under Monitoring (PUMs) possible case dihang nadugangan og 48 katawo kagahapon.
Niining kasamtangan dunay 38 ka PUI ang natala sa probinsya, 23 niini anaa sa isolation area ug nakakmopleto na kwarantina ang 15 kagahapon.
