Ihap sa PUI suspect case nga namatay sa probinsya, pito na

Pagadian City – Nadugangan na usab ang numero sa Person Under Investigation kun (PUI) suspect case sa Covid-19 dinhi sa probinsya sa Zamboanga del Sur human namatay kagahapon ang usa ka lalaki nga 64-anyos nga taga-Purok Tinago, Poblacion, Lapuyan.
Kini na ang ika-pito nga PUI Suspect case nga namatay sa probinsya.
Sa impormasyon nga nahipos sa RMN-DXPR Pagadian na-diagnos ang pasyente og Accute Respiratory Failure Secondary to Community Acquired Pnuemonia-High Risk, Covid-19 Suspect Severe, Coronary Artery Disease Acute Myocardial Infaction, nadiganos usab sa balatian nga Hypertensive Cardiovascular Disease Congestive Heart Failure Stage C Functional Class IV ug PTB 3 Category 1 on Intensive Phase.
Ang namatay mga kasama gikuhaan na og swab test ug padayon pang gipa-abot ang resulta.
Niabot na sa 77 ka Persons Under Ivestigation (PUIs) suspected case sa Covid-19 sa probinsya sa Zambonga del Sur ang nakuhaan og swab test, 36 sa maong ihap ang negatibo, 41 ang wala pay resulta ug upat ang kompermado sa Covid apan nakagawas na sa isolation area sa Zamboanga del Sur Medical Center ang tulo niini.
Mitotal usab sa 772 ka Persons Under Monitoring (PUMs) possible case dihang nadugangan og 11 katawo kagahapon.
Niining kasamtangan dunay 46 ka PUI ang natala sa probinsya, 33 niini anaa sa isolation area ug duha ang gawasnon na.

Facebook Comments