Ika-13 ka tuig sa ‘Maguindanao Massacre’ gihinumdom

Davao City – Mibisita na ang pipila ka pamilya sa mga biktima sa Maguindanao Massacre sa massacre site sa Ampatuan, Maguindanao ug mihalad og pag-ampo sa ilang kabanay nga mipanaw.

Kini kabahin sa paghinumdom sa ika-13 ka tuig nga anibersaryo sa pagpatay sa 58 ka indibidwal lakip na niini ang 32 ka mga miyembro sa media niadtong November 23, 2009.

Miduyog usab ang sa National Union of Journalists of the Philippines (NUJP) Davao City Chapter sa paghinumdum sa anibersaryo sa Maguindanao massacre nga ilang gikonsiderang worst election-related attack nga nagpabiling lab-as pa sa panumduman bisan og kapin usa ka dekada na ang nakalabay.

“A memorial to the victims has been overgrown with weeds but families and the media are here to show that they and the worst election-related attack have not been forgotten nearly 13 years later,” pamahayag sa NUJP.

Sa impormasyon gikan sa NUJP, anaa sa 44 ka mga akusado sa krimen ang na-convict na sa korte.

RadyoMaN Kirby Manzon