Davao City – Gipasaka na sa Sasa Police Station sa korte kagahapon adlawa September 29, 2023 ang kasong kalapasan sa RA 9165 o Comprehensive Dengerous Drugs Act of 2002, batok sa dinakpan nga si Rogelio Sanchez alyas Atim, hingkod ang edad, residente sa Cor. Doña Alegrea Road, Brgy. Angliongto, Davao City.
Sa report sa Sasa Police Station nasayran, ang suspect ikaduha sa drug watchlist sa Davao City.
Nadakpan ang suspetsado sa buy bust operation sa maong lugar human napalitan ug nakuhaan og mga pakete sa gituohang shabu nga motimbang og 3.13 grams nga mokantidad og P50,080.
Ang pagkasikop sa suspetsado kabahin sa mas gipakusgang kampanya kontra gidiling druga ubos sa pagdumala ni Police Major Jake Goles Station Commander sa Sasa Police Station.
RadyoMaN Don Pulayao
Facebook Comments
