Davao City- Human sa mag-duha ka semanang pagpangita sa ika-38 nga biktima sa sunog sa Nccc Mall of Davao, napalgan na gayud sa Anti-Arson Task Force pasado alas-7:00 kagabie ang patayng lawas ni Alexandra Moreno.
Gikumpirma ni Task Force Spokesperson Sr. Supt. Jerry Candido nga ilang nang nakita ang mga ‘charred bones’ ni Moreno sa lobby sa SSI diin didto usab na-recover ang 36 ka mga SSI Agents uban usab ang patayng lawas ni NCCC employee Melvin Ga-a.
“Those significant parts ng charred bones na iyon they were lifted doon mismo sa area kung saan natagpuan ang maraming patay. It so happen lang na may isang area doon na hindi pa nagalaw atsaka natakpan siya eh,” sumala ni Candido.
Matud ni Candido nga pinaagi sa nahibiling items ni Moreno sama sa key chain, gikumpirma sa inahan niini nga ang maong gamit gipanag-iyahan sa biktima.
“Kung saan namin na-lift iyong charred bones doon namin nakita iyong key chain. It was confirmed by the mother na it belongs to Alex Moreno,” matud ni Candido.
Sumala ni Candido nga andam usab silang mu-assist sa pamilyang Moreno kung buot pa niini nga ipaubos sa usa ka eksaminasyon ang na-recover nga patayng lawas alang sa dugang pa nga kumpirmasyon.
RadyoMaN Aimee Guinita
