Ika-41 nga kasumaran sa pagkahimugso sa RMN DXPR Pagadian, gihandum kagahapong adlawa

28

Pagadian City- Gihandom kagahapon ang ika-41 nga kasumaran sa pagkahimugso sa nag-unang sibyahan sa syudad sa Pagadian ug probinsya sa Zamboanga del Sur ang Radio Mindanao Network nga mas naila nga RMN DXPR Pagadian.
Kun mahinumduman, nagpibiling numero uno ang DXPR sa ulahing survey nga gipagawas sa Kantar Media diin nakakuha og 89.88 audience share. Busa, nagpasalamat ang kadumalaan sa walay puas nga pagsalig ug suporta sa katawhang tigpaminaw.
Gumikan niini mas nahimo pang dikit ug suod sa masa ang DXPR gumikan sa daghanang Community Social Services sama sa Medical Mission, Feeding Program , Gift Giving, promo sa kahanginan ug uban pang matang sa serbisyo nga gitunol ngadto sa publiko o kabahin sa Corporate Social Responsibility sa RMN Networks.
Angay masayran nga ang DXPR nahimugso niadtong Enero 10, 1980 ug nahimong sumbunganan sa katawhan sulod na sa kapin upat ka dekada.

Facebook Comments