Sa interview sa DXDC RMN Davao sa usa ka Flor Caliao, iyang gisaysay nga dose anyos pa siya kaniadto sa dihang gideklara ang Martial Law ug siya mismo nakaingon nga nahimong maayo ang kinabuhi nila tungod barato ra ang mga palaliton niadtong panahona ug suportado ilang panginabuhian sa administrasyon.
Dugang pa niya nga daghang mga rebelde ang ilang gikahadlukan sauna ug mapasalamaton sila sa maong mando ni Marcos Sr. kay aduna’y curfew hinungdan nga namintinar sa ilang dapit ang kahapsay ug kalinaw.
Sa katapusan, gibutyag ni Caliao nga tinuod nga duguon ang maong panghitabo tungod permi aduna’y gyera, kasamok, ug pagpamatay apan matud pa niya, mas nakita niya ang maayong kahimtang sa Pilipinas niadto nga panahon.
Maong karong adlawa, lauman nga aduna’y pipila ka mga pundok ang magprotesta o mag-rally ug aduna sab uban grupo sama sa Bantayog ng mga Bayani Foundation Inc. ang maggahin og panahon alang sa paghandom sa mga biktima sa Martial Law.
RadyoMan Ivy Parido
