Ika-9 na linggo ng pagtaas ng presyo ng produktong petrolyo, asahan sa pagpasok ng Marso

Magkakaroon ng ika-9 sunod na taas-presyo sa langis sa pagpasok ng Marso.

Nasa P0.90 hanggang P1 ang taas-presyo sa gasolina, at nasa P0.70 hanggang P0.80 naman ang taas-presyo ng diesel at kerosene.

Una nang nagbabala ang ilang eksperto na magpapatuloy ang taas-presyo ng langis sa harap ng krisis at tensiyon sa pagitan ng Russia at Ukraine.

Nagbabadya rin ang P10 hanggang P15 taas-presyo sa liquefied petroleum gas.