Pagadian City – Naglaom gihapon ang pamilya sa mga biktima sa Maguindanao massacre nga ilalom sa Duterte administration molihok ang ilang kaso ug masilutan ang mga responsable maong krimen.
Karong adlawa gikatakda nga makigtigom sa nahibiling pamilya sa mga biktima si Presidential Communication Operations Office Secretary Martin Andanar.
Sumala ni Grace Morales, ilang hangyoon si Andanar nga paspasan ang dagan sa kaso aron ilang hingpit nga makab-ot ang hustisya sa linuog nga pagpatay sa ilang minahal sa kinabuhi..
Mahimumduman nga karong adlawa ang ika-pulo ka tuig nga anibersaryo sa ngilngig nga Maguindanao massacre ug padayon nga uhaw sa hustisya ang pamilya sa mga biktima kay hangtud karon nagpabiling gawasnon ug wala pa hingpit nga nasilutan ang mga nagpaluyo sa krimen.
