Jamindan, Capiz – Narekord sang banwa sang Jamindan ang ika-siyam(9) nga COVID- 19 positive.
Basi sa pahayag ni Jamindan Mayor Mac Valdemar sa iya FB account, ang nasambitan nga persona ang isa ka locally stranded individual(LSI) nga may yara sang travel history halin sa Parañaque City kag Quezon City, Metro Manila.
Ini ang isa ka lalaki, nagapang-edaron sang 54-anyos kun sa diin nag-abot sa Municipal Quarantine Facility sang nakaligad nga Hulyo 13, 2020.
Subong yara na na- admit sa Roxas Memorial Provincial Hospital(RMPH) ang amo nga pasyente humalin sadtong Hulyo 17 tungod sa ginabatyag sini nga lagnat, ubo kag sore throat.
Sa subong naglab-ot na sa 79 ang kabug-usan nga kumpirmado nga kaso sa probinsya sang Capiz, 50 diri ang aktibo nga kaso, 27 na ang naka-recober kag nagapabilin sa duha ang numero sang napatay.
Sa 79 ka nalista nga kaso, 42 sa mga nagpositibo ang mga Locally Stranded Individuals(LSI) kag 27 naman ang Returning Overseas Filipinos(ROF).
