Aminado si Mr. Gerlin Francisco , ang choreographer sang Tribu Ilonganon sang Jalandoni Memorial National High School nga wala sila naglaum nga makuha ang kampeonato sa Dagyang Tribes Dance Competition sang Dinagyang Festival 2019.
Suno kay Francisco, ‘competitive’ man ang iban pa nga tribu gani ila ini ginhimo nga inspirasyon agud mas mangin maayo pa gid ang ila performance.
Ulihi nga nakuha sang Tribu Ilonganon ang kampeonato sa Dinagyang Festival sang tuig 2007.
Matapos ang onse ka tuig nga nangin maila ang kadalag-an sa Tribu Ilonganon, liwat ang mga ini ginkilala nga kampeon sa Dinagyang Festival 2019.
Ila man nakuha ang tatlo ka iban pa nga awards :Best Choreographer, Best in Choreography kag Best in Discipline .
Nahibaluan nga 14 ka tuig na nga Dinagyang choreographer si Mr. Gerlin Francisco kon sa diin iya gin-uyatan ang mga masunod nga tribu:
Tribu Paghidaet – 2004
Tribu Silak – 2005
Tribu Atub- Atub – 2006
Tribu Paghidaet – 2007
Tribu Paghidaet – 2008
Tribu Himal-os – 2009
Tribu Paghidaet – 2010, 2011, 2012
Tribu Ilonganon – 2013 – present
