Ikaduhang batch sa Bagani Warriors sa Alabel, gibansay

14

Alabel, Sarangani- Nagpadayon ang gihimong pagbansay sa mokabat 83 ka mga Bagani Warriors sa Munisipyo sa Alabel, Sarangani Province. Nasayran nga pito ka adlaw silang magbansay ug niadtong Setyembre 22 pa sa dihang kini gisugdan sa pagpanguna sa Alpha Company sa 73rd Infantry Battalion.

Gihimo ang maong training sa kampo mismo sa Alpha Company, 73rd Infantry Battalion Philippine Army nga nahimutang sa Barangay Poblacion, Malapatan, Sarangani Province. Ang 83 ka mga Bagani Warriors ang nagagikan sa managlahing Barangay sa Alabel. Usa sa hugtanong gitudlo kanila mao ang pamaagi nga ma-proteksyonan ang kinaiyahan, nasayran nga kini matud pa ang pinaka-unang tahas nga gisangon kanila.

Nasayran nga sila magtrabaho isip mga forest guard ug tigbantay sa mga border sa lungsod. Gawas sa mga gitudlo kanila bahin sa pagprotekta sa kalasangan, gitudluan usab sila bahin sa marksmanship, military discipline, sakto nga paggamit ug pusil ug immediate action drills. Apil usab sa gitudlo kanila ang program bahin sa Prevention and Control a COVID-19, First Aid, solid waste management, environmental protection ug Backyard Gardening.

Facebook Comments