Davao City – Ablihan sa publiko karong adlawa, Disyembre 7, ang ikatulong Botika ng Bayan dinhi sa dakbayan sa Davao nga nahimutang sa may City Health Office (CHO).
Sa interbyu sa RMN Davao kang CHO head Dra. Josephine Villafuerte nga karong adlawa ang inagurasyon niini.
Segun ni Villafuerte nga kini usa ka pampublikong pharmacy diin libreng makakuha og mga tambal ang mga nanginahanglan.
“This is government owned and the medicines are provided by the government also and that is going to be given free to those who need the medicines as long as they have the prescription,” sumala ni Villafuerte.
Kahinumduman nga gi-ablihan usab niadtong Hulyo ang unang Botika ng Bayan sa Southern Philippines Medical Center (SPMC) samtang niadtong nakalabay’ng bulan usab giinagurahan ang ikaduhang Botika ng Bayan sa Calinan District Health Center.
RadyoMaN Aimee Guinita
