Roxas City, Capiz- Nangin viral ang post sang isa ka Facebook user angut sa naeksperiensyahan sini samtang sila ang nagkaon sa isa ka binakolan sa Ligazpe Street syudad sang Roxas sang nakaligad nga Disyembre 31, 2019.
Base sa post ni France Steffan Brillo, may nakit-an ang mga ini nga indi kinaandan nga sahog ukon bagay sa ginkaon nga binakol.
Makit-an sa laragway nga ginpost sini nga sa una nga paglantaw, masal-an nga “daw ikog sang ilaga o katsuli”.
Ila nga ginkompronta ang tag-iya apang ginpanginwala sini nga ikog sang ilaga ang amo nga bagay.
Ang amo nga post ni Brillo ang naka-angkon na sang kapin sa 900 ka shares.
Samtang, gin-insister naman sang tag-iya nga si Rosemarie Lemincito y Fuentes, 37-anyos nga lunsay pagpangsamad gid lamang sa ila negosyo ang amo nga alegasyon.
