Gibalhug na sa bilangguan ang iladong lider sa “Sugrol Drug Group” sa Bukidnon nga si Warren Sugrol ang kinsa nasikop atol sa operasyong gipahigayon sa Philippine Drug Enforcement Agency (PDEA) RO10 kagahapong adlawa didto sa Purok 5, Brgy. 9, Malaybalay City, Bukidnon.
Malampuson usab nga nakompiska ang dul-an P68,000 nga kantidad sa gituohang drogang shabu ug laing unom (6) ka mga miyembro sa maong grupo.
Ang “Sugrol Drug Group” mao ang usa sa pinakadakong grupo sa droga sa probinsya sa Bukidnon nga dugay ng gipailawom sa surveillance sa mga otoridad.
Sa laing bahin, gidala na sa PDEA RO10 ang mga nakompiskang ebidensiya alang sa eksiminasyon ug temporaryong gibilanggu ang mga nadakpan sa maong buhatan nga mag atubang sa paglapas Comprehensive Dangerous Drugs Act of 2002.
