CAUAYAN CITY – PATULOY NA ITINATAGUYOD NG LUNGSOD NG ILAGAN ANG PAGIGING ISA SA PANGUNAHING SPORTS HUB SA BANSA MATAPOS DALHIN SA LUNGSOD ANG PREMIER VOLLEYBALL LEAGUE (PVL).
KABILANG SINA COMMISSIONER AT ANG PVL PRESIDENT NA SI RICKY PALU, UPANG HILINGIN NA MULING DALHIN ANG LIGA SA LUNGSOD.
SA PANAYAM NG IFM NEWS TEAM KAY ILAGAN CITY VICE MAYOR JAYVE DIAZ, NAGING MATAGUMPAY ANG UNANG PAGKAKATAON NA DINALA ANG VOLLEYBALL LEAGUE SA LUNGSOD, AT LABIS NA NATUWA ANG MGA TAGA-ISABELA. DAHIL DITO, MAGING ANG MGA MANLALARO AY NASABIK NA MULING MAKAPAGLARO SA ILAGAN CITY.
BUKOD SA KOORDINASYON SA PVL, TINIYAK DIN NG PAMAHALAANG LUNGSOD NA MAY CONTINGENCY PLAN PARA SA ANUMANG HINDI INAASAHANG PANGYAYARI GAYA NG LINDOL, BAGYO, O IBA PANG SAKUNA. SA KABUUAN, NAGING LIGTAS AT MATAGUMPAY ANG ISINAGAWANG AKTIBIDAD.
BILANG SPORTS HUB NG HILAGANG LUZON, PATULOY NA ISINUSULONG NG ILAGAN CITY ANG PAGPAPALAKAS NG SPORTS AT LOKAL NA EKONOMIYA.
AYON PA KAY VICE MAYOR DIAZ, MALAKING TULONG SA MGA LOKAL NA NEGOSYANTE AT MSMES ANG PAGDARAOS NG MGA MALALAKING SPORTS EVENTS DAHIL DUMARAMI ANG MGA BISITA AT BUMUBUHOS ANG KITA.
DAGDAG PA RITO, KAPAG LUMALAGO ANG LOKAL NA KITA, MAS DUMARAMI RIN ANG MGA SERBISYONG PANLIPUNAN NA NAIBIBIGAY SA MGA ILAGUEÑO.
SAMANTALA, LAYUNIN NG LUNGSOD NA MAKILALA HINDI LAMANG SA LARANGAN NG TURISMO KUNDI MAGING SA SPORTS DEVELOPMENT SA BUONG BANSA.
KAUGNAY NITO, NARITO ANG MENSAHE NI ALYSSA VALDEZ SA KANILANG MGA SUPPORTERS AT LOCAL GOVERNMENT NG ILAGAN.
