Davao City – Dili lamang sa usa ka ahensya gitumbok ni Presidente Rodrigo Duterte ang iyang bahad nga tutukan ug silotan ang mga kurakot nga opisyal sa gobyerno sa pagpanghatag sa ayuda ngadto sa katawhang Pilipino karong panahon sa COVID-19.
Sa pakighinabi sa DXDC RMN Davao kang Department of Social Welfare and Development kun DSWD Undersecretary Luz Ilagan, giingon niini nga tanang ahensya sa gobyerno gitahasan nga likayan gayud ang korupsyon.
“Of course ana man gyud because anybody nga ma-accuse of corruption dapat responsible siya, hold accountable after due process kay di man ta pwede mag accuse kung wala ta nag investigate properly so kung naay allegations o suspensions of corruption, i-investigate by the proper authority ug tan-awon og naay kamatuoran ang accusations,” segun ni Ilagan.
Gani gipasabot ni Ilagan ang mga hagit kun challenges karon sa mga ahensya sa gobyerno ug sa mga social workers sama sa kalisod usab sa pag adto sa lagyo nga lugar, dagko ang kwarta nga dala ug lisod iimplementa, kinsa ang hatagan ug daghan coordination gumikan ang SAP gilangkuban sa daghang ahensya.
Busa nangayo og pasensya ang DSWD sa mga tawo nga giingong nag apura sa ayuda gumikan bisan mismo ang lokal nga gobyerno dunay kalisod sa pagpatuman tungod sa dili normal nga sitwasyon karon.
RadyoMaN Renz Barbarona
