Gitudlo ni Presidente Rodrigo Duterte isip DSWD Undersecretary si kanhi Gabriela Party-list Representative Luz Ilagan.
Ang Appointment paper ni Ilagan, kinsa nangatungdanan kaniadto nga konsehal sa Dabaw, gipagawas karong adlawa diin gipetsahan kini og September 13, 2017.
Mahinumduman sa interview sa DXDC RMN Davao kang Ilagan, gi-ingon niini nga andam siya moserbisyo ugaling matudlo sa gabinete ni Presidente Duterte. “Kung kana ang pamaagi nga makaserbisyo, nganong dili pud kay atoa man lang kung asa ta makaserbisyo. Dili man ta pwede mamili ug posisyon kay kung unsay ihangyo sa Presidente, mao na atong dawaton,’’ sigun ni Ilagan.
Ang 2007 Datu Bago Awardee nga si Ilagan ang byuda sa bantogang abogado sa dakbayan, Atty. Laurente “Larry” Ilagan natudlong city councilor sa Dabaw panahon sa Revolutionary Government ni kanhi Presidente Cory Aquino ug napiling miembro sa davao city council gikan tuig 1998 hangtud 2001.
DXDC RMN News Team
