Ilagan on pandemic: Stay positive

25

Davao City – Gikinahanglang giyahan og atimanon gayud sa mga ginikanan ug magtutudlo ang mga estudyante nga nagtoon karon pinaagi sa learning modules tungod kay unang higayon kini nga atong gisagop nga modality bunga sa COVID-19.

Sumala ni DSWD Undersecretary Luzviminda Ilagan, makabatang kun sa parte sa mga magtutudlo, dili i-pressure or lisud-lisuron sa ilang pagtoon ang ilang mga batan-ong tinun-an.


Matud ni Ilagan, kung dili gyud makaya sa estudyante ang modular assignments or online loads sa mga asignatura, dili lamang pugson sa mga ginikanan o magtutudlo ang mga bata aron dili kini ma-stress og maayo diin makahunahuna na hinoon kini og dautan susama sa pag-suicide.

Samtang sa sitwasyon sa mga trabahante, gikinahanglang mag-amping pinaagi sa pagsunod sa tanang mga health safety protocols tungod kay daku ang ilang obligasyon sa pag-amping sa ilang kaugalingon ilabi na sila maoy nanginabuhi alang sa ilang tagsa-tagsa ka mga pamilya.

Gipasabot usab ni Ilagan nga gikinahanglang dili mawad-an og paglaum ang tawo karong panahona taliwala niining nasinatian nga krisis sa panglawas tungod kay temporaryo lamang kini.

“Always be positive…Dili ‘ta mag-dwell sa negatibo nga moingon na ‘ta nga wa nay pag-asa…Positive gyud ‘ta kanang magtan-aw ‘ta nga molabay ra ni….There will come a time nga mahuman na ni siya, unya makasugakod na ‘ta sa atong kalisdanan, ” panapos ni Ilagan.




RadyoMaN Bernard Pantallon

Facebook Comments