Davao City- Gilantaw ni former Gabriela Party Representative Luz Ilagan nga gamiton lamang ni Senator Antonio Trillanes ang oportunidad karong Huwebes aron mapadako pa ang isyu kontra nila Davao City Vice Mayor Paolo Duterte ug iyang bayaw nga si Atty. Manases Carpio sa dihang buksan sa senado ang ikapito nga hearing sa 6.4 billion China shabu shipment.
Segun ni Ilagan nga mangita na usab og laing mamahimong istorya ang senador nga walay igong ebidensya.
Dugang ni Ilagan nga imbes nga masayran ang kamatuoran, mulihis na hinuon og samot ang hisgutanan ug dili na hinuon makatabang sa nagpadayong imbestigasyon sa nasakmit nga droga.
Dili uyon si Ilagan nga mopatimaw pa sa senado si Duterte ug Carpio sanglit walay bug-at nga ebidensya nga napresentar si Trillanes aron pagduhig sa pangalan sa duruha diha sa anomaliya sa Bureau of Customs.
Kasamang Aimee Guinita
