CAUAYAN CITY – INANUNSYO NG NATIONAL GRID CORPORATION OF THE PHILIPPINES (NGCP) ANG NAKATAKDANG POWER INTERRUPTION SA ILANG BAHAGI NG ISABELA SA AGOSTO 23, 2025, MULA 6:30 AM HANGGANG 6:30 PM.
AYON SA NGCP, ANG DAHILAN NG PANSAMANTALANG PAGKAWALA NG KURYENTE AY UPANG MAISAKATUPARAN ANG KONSTRUKSIYON NG 69 KV LINE PARA SA SAN MARIANO SUBSTATION.
BAHAGI ITO NG KANILANG MGA HAKBANG UPANG MAPALAKAS ANG SERBISYO AT MAPABUTI ANG DALOY NG KURYENTE SA PROBINSYA.
SAKOP NG BROWNOUT ANG MGA BAYAN NG NAGUILIAN, BENITO SOLIVEN, AT SAN MARIANO. APEKTADO RIN ANG BAHAGI NG LUNGSOD NG ILAGAN, PARTIKULAR ANG BARANGAY GAYONG-GAYONG SUR.
PINAYUHAN ANG MGA RESIDENTE NA MAGHANDA AT MAG-INGAT DAHIL ANG MGA LINYA AY DAPAT ITURING NA LAGING MAY DALANG KURYENTE PARA SA KALIGTASAN.
DAGDAG NG NGCP, POSIBLE RING MAIBALIK NANG MAS MAAGA ANG SUPLAY NG KURYENTE KUNG MATATAPOS NANG MAS MABILIS ANG MGA GAWAIN.
GAYUNPAMAN, IPINAALALA NG AHENSYA NA ANG PAGBABALIK NG KURYENTE AY MAAARING GAWIN NANG WALANG PAUNANG ABISO.
