Ilang Bayan sa Isabela, Nakakaranas ng Pagbaha bunsod ng tuloy-tuloy na Pag-uulan

42

Cauayan City, Isabela- Nakakaranas ngayon ng pag-apaw ng tubig ang ilang bahagi ng lalawigan ng Isabela partikular ang bayan ng San Mateo at Cabatuan sa kabila ng patuloy na nararanasang pag-uulan.

Ayon kay San Mateo Mayor Greg Pua, sana raw ay itinaas agad ng NIA-MARIIS ang radial gate ng dam kung makakaranas ng tuloy-tuloy na pag-uulan.


Aniya, ilan sa mga barangay na nalubog ngayon sa baha ang Marsat Pequeño at Gaddanan.

Posible din na nag-ugat ngayon ang pagbaha sa ilang barangay ang ginagawang road widening lalo pa’t hindi sabay-sabay ang paggawa ng drainage canal kung kaya’t umakyat ang lebel ng tubig dahilan para pasukin ng tubig-ulan ang ilang kabahayan.

Hinimok naman ng opisyal ang mga residente na kung maaari ay tanggalin na ang mga nakabarang bagay sa mga drainage canal upang maiwasan ang malalang sitwasyon.

Facebook Comments