CAUAYAN CITY – Naglabas na ng schedule ang Pamahalaang Panlalawigan ng Isabela para sa payout ng mga BRO for Education Scholars sa iba’t ibang bayan dito sa lalawigan.
Sa inilabas na anunsyo ng BRO for Education, magaganap ang payout sa ika-12 ng Disyembre, para sa 2nd Semester ng Academic Year 2023-2024.
Nasa mahigit P2.3M ang ibabahagi sa 758 BRO scholars sa bayan ng Delfin Albano, P1.9M naman sa 584 scholars sa Gamu, P1.4M para sa 448 scholars ng Burgos, habang mahigit P400K naman sa 141 scholars ng Aurora.
Inabisuhan din ang mga scholars na dalhin ang kanilang Certificate of Scholarship, School ID o kahit anong valid ID, at sariling ballpen.
Samantala, makikita naman sa official page ng BRO for Education ang link para sa listahan ng mga tatanggap ng allowance.
