Cauayan City – Hindi pa rin nakakauwi sa kani-kanilang mga tahanan ang mga evacuees sa Brgy. District 3, Cauayan City, Isabela.
Sa naging panayam ng IFM News Team kay Brgy. Kapita Lorenzo Mangantulao, hindi pa makabalik ang ilang pamilya na pansamantalang nanunuluyan pa rin sa kanilang evacuation center dahil mayroon paring tubig-baha sa kanilang mga tahanan.
Aniya, karamihan sa mga ito ay mula sa Sipat Street na siyang bahagi ng lugar na talagang nalubog sa baha, habang ang ilan naman ay mula sa Purok 6.
Aniya, ligtas at nasa maayos namang kalagayan ang mga apektadong residente at patuloy rin ang pamamahagi ng LGU Cauayan at DSWD ng hot meals para sa kanila.
Facebook Comments
