Davao City – Nanawagan karon ang pamilyang Milagrosa ngadto sa publiko nga matunolan sila og financial assistance.
Kini human gilamoy sa kalayo ang ilang pinuy-anan nahitabo pasado ala-1:00 sa hapon, adlaw’ng Huwebes, partikular sa may Purok 7 Amparo Homes Phase 1, Brgy. Ilang, siyudad sa Davao.
Sa interbyu sa RMN Davao kang Virgie Milagrosa, biktima sa sunog, nga nanginahanglan sila karon og hinabang nga matunolan sama sa pagkaon, sanina, lakip mga school supplies tungod naapil og kasunog ang gamit sa iyang anak nga estuyante.
Matud ni Milagrosa nga wala siya nagdahum nga masunog ang ilang balay nga gibanabanaan nga mukantidad sa P200,000 ang damyos niini.
Gidugang ni Milagrosa nga sa mga gusto mutabang mamahimong muadto sa ilang barangay aron ilang ihatod ang hinabang.
Di pa sab ma-establisar sa Bureau of Fire Protection (BFP) kun unsay hinungdan sa sunog diin sa pagkakaron padayon pa gina-imbestigahan.
RadyoMaN Don Pulayao
