Ilang international flight ng CebuPac at AirAsia, kinansela ngayong araw dahil sa sama ng panahon sa destinasyon

Kinansela ng Cebu Pacific ang dalawa nitong international flight dahil sa masamang panahon sa destinasyon nito.

Ayon sa Manila International Airport Authority ng Media Affairs division kabilang sa mga kanselado ang biyahe ng Cebu Pacific (5J).
• 5J 186/185 Manila-Incheon-Manila
• 5J 188/189 Manila-Incheon-Manila

Samantala, kanselado rin ang isang international flight ng Air Asia na AirAsia PH (Z2), Z2 884/885 Manila-Incheon-Manila o patungo rin sa kaparehas na destinasyon.

Pinayuhan naman ng Manila International Airport Authority (MIAA) ang mga apektadong pasahero na makipag-ugnayan sa kanilang airlines para sa rebooking o refund ng kanilang pamasahe.