𝗜𝗟𝗔𝗡𝗚 𝗠𝗚𝗔 𝗣𝗨𝗩 𝗢𝗣𝗘𝗥𝗔𝗧𝗢𝗥𝗦 𝗦𝗔𝗗𝗔𝗚𝗨𝗣𝗔𝗡 𝗖𝗜𝗧𝗬, 𝗛𝗜𝗡𝗜𝗛𝗜𝗡𝗧𝗔𝗬 𝗔𝗡𝗚 𝗜𝗣𝗔𝗣𝗔𝗠𝗔𝗛𝗔𝗚𝗜𝗡𝗚 𝗧𝗔𝗥𝗜𝗣𝗔 𝗨𝗣𝗔𝗡𝗚 𝗠𝗔𝗜𝗣𝗔𝗧𝗨𝗣𝗔𝗗 𝗔𝗡𝗚 𝗗𝗔𝗚𝗗𝗔𝗚𝗣𝗜𝗦𝗢𝗡𝗚 𝗣𝗔𝗦𝗔𝗛𝗘

Hanggang ngayon ay hinihintay pa rin ng ilang mga PUV drivers at operators sa Dagupan City ang maibibigay na taripa mula sa kanilang kinabibilangang kooperatiba upang gaya ng ibang pampasaherong sasakyan ay makapagpatupad na rin ang mga ito ng provisional fare increase.

Kabilang ang ilang mga Lucao operators sa hindi pa nakakapag-implementa ng pisong dagdag pasahe dahil paparating pa lamang umano ang hinihinging updated fare matrix na nagsasaad ng itinakdang dagdag pisong pasahe sa mga pampublikong sasakyan.

Ayon sa mga nakapanayam ng IFM Dagupan, malaking bagay na raw ang dagdag piso dahil malaking halaga na ito ngayon. Dagdag pa ng mga ito ang nararanasang oil price rollback at aminado ang mga ito na hindi na diretso ang kinikitang kita sa arawang pamamasada sa pagbabayad ng ginagamit na pangkrudo.

Naglalaro naman umano sa apat hanggang limang daan ang pinakamalinis na kita ng mga ito sa isang araw at inaasahan na tataas pa ito sa oras na makapagpatupad na sila ng dagdag pisong pasahe.

Samantala, matatandaan na epektibo naman ang malakihang bawas presyo sa ilang produktong petrolyo simula kahapon, Nov. 14. |𝙞𝙛𝙢𝙣𝙚𝙬𝙨