Nagkaroon muli ng balasahan sa ilang matataas na opisyal ng Philippine National Police (PNP).
Sa unit reassignment na epektibo ngayong araw, January 10, 2025, si PNP Public Information Officer (PIO) Chief PBGen. Jean Fajardo ay itinalaga bilang bagong Director ng Police Regional Office (PRO) 3.
Habang si PRO3 Director PBGen. Red Maranan ay magiging bagong pinuno ng PRO7.
Si PBGen. Bowenn Jey Masauding na PRO9 Director ay magsisilbi na ngayon bilang Deputy Director for Comptrollership.
Habang si PBGen. Roel Rodolfo na hepe ng PNP Anti-Kidnapping Group (AKG) ay ang bagong direktor ng PRO9.
Samantala, si PCol. Melvin Napiloy na dating pinuno ng PNP Aviation Security Group (AVSEGROUP) ang ngayo’y hepe ng PRO CALABARZON.
Si PCol. Elmer Ragay na pinuno ng PRO CAR ang magiging bagong hepe ng PNP AKG at si PCol. Randulf Tuaño naman ang magiging bagong tagapagsalita ng Pambansang Pulisya.
