Isinagawa ang Blessing at Turn-Over Ceremony ng bagong Longos Covered Court at Farm-to-Market Road sa Sitio Longos, Barangay Pangapisan, Alaminos City na bahagi ng patuloy na pagsasakatuparan ng mga proyektong pang-imprastrukturang naglalayong mapaunlad ang komunidad.
Binanggit sa programa ang kahalagahan ng proyekto sa pagpapabuti ng transportasyon, pagpapaunlad ng kabuhayan, at pagbibigay ng maayos na pasilidad na magsisilbing sentro ng mga gawaing pangkomunidad. Bahagi ito ng pangmatagalang adhikain para sa inklusibo at sustenableng kaunlaran ng Sitio Longos.
Nagpasalamat din ang mga lokal at barangay officials sa suporta ng pamilyang may-ari ng lupa kung saan itinayo ang Farm-to-Market Road. Ayon sa kanila, ang proyekto ay malaking tulong para sa mas mabilis at maayos na akses ng mga residente sa pangunahing daan at pamilihan.
Ang proyekto ay bahagi ng patuloy na pagsisikap ng pamahalaan na mapalakas ang kabuhayan at kalidad ng buhay ng mga mamamayan sa Barangay Pangapisan, na nagsisilbing halimbawa ng malinaw na koordinasyon sa pagitan ng lokal na pamahalaan at mga pribadong sektor.
