Kinumpirma ni Warriors coach Steve Kerr na hindi makakalaro sina Kevin Durant at Kevon Looney sa game 3 ng NBA Finals kontra Toronto Raptors dahil sa kanilang iniindang injury.
Si Kevin Durant ay nagtamo ng strained calf injury habang costal cartilage fracture naman si Kevon Looney.
Bukod sa kanila, posible ring hindi makalaro sa game 3 si Klay Thompson matapos magtamo ng left hamstring injury sa hita na nakuha sa game 2.
Willing namang tumagal sa kanyang playing time si Demarcus Cousins.
Ayon kay Cousins, wala daw problema sa kanya kung tatagal siya hanggang sa ikaapat na kwarter ng laro sa game 3 basta para sa Warriors.
Bukas, abangan ang paghaharap ng Warriors kontra Raptors sa game 3 ng NBA Finals sa home court ng Warriors sa Oracle Arena sa Oakland California United States.
