Ilegal nga Tari-Tari gironda duha nadakpan

37

San Pablo, Zamboanga del Sur – Gironda sa kapulisan sa lungsod sa San Pablo ang illegal nga Tari-Tari nga gipahigayon dihang dapita sa Sitio Degos, Barangay Lumbayao, San Pablo, Zamboanga del Sur alas 4:00 kagahapon sa hapon.
Wala na makasibat ang duha ka sugarol nga sila si Esperigion Tabuco Sanchez, 67 -anyos, ug Paulo Lambating Dopla, 53 -anyos pulos residente sa Barangay Lumbayao, San Pablo niining probinsya.
Gibulabog sa kapulisan ang lugar dihang nakadawat sila og taho labot sa maong illegal nga sugal ug dihang nakamatikod sa presensya sa kapulisan nakasibat ang pipila ka sugarol ngadto sa lain-laing direksyon.
Nakakuha og ebensya ang kapulisan gikan sa mga dinakpan sama sa pusta nga 1,150, unom ka bulang ug upat ka manok igtalari.
Ang mga dinakpan gipaslak na karon sa San Pablo MPS detention facility.

Facebook Comments