ILIGAL NGA NAGAPATAYA SA STL, ARESTADO!

15
Pontevedra, Capiz – Dakop sa akto ang suspetsado nga iligal nga nagapataya sang STL ‘bookies’ sa banwa sang Pontevedra.
Ini ang ginkilala kay Arnulfo Bataanon y Lalis, 59-anyos, may asawa kag pomoluyo sang Barangay Rizal, Pontevedra, Capiz.
Gin-aresto ang suspetsado takna 4:30 sang hapon sa nasambit nga lugar matapos nagpatigayon sang Anti-Illegal Gambling Operation ang Pontevedra MPS.
Narekober sa posesyon sini ang napulo (10) ka panid sang unofficial STL cotejo, 42 ka bilog sang unofficial cotejo, 2 ka bilog nga ballpen kag P375 nga kuwarta nga bet money.
Magapangatubang ang suspek sa kaso nga paglapas sa PD 1602 sang RA 9287 ukon “An Act Increasing The Penalties For Illegal Numbers Games & Its Implementing Rules”.
Ini ang ara na subong sa kustodiya sang Pontevedra Municipal Police Station para sa nagakaigo nga disposisyon.
Facebook Comments