Gipailalum karon sa full security alert ang dakbayan sa Iligan gumikan sa laing insidente sa pagpamomba didto sa Gensan ug usab sa Midsayap North Cotabato.
Gimando ni Northern Mindanao police regional director PCSupt Timoteo Pacleb ang pag deploy sa mga police personnels ug K9-units sa mga l ugar nga daghang tao ug gimandoan ang mga intelligence units nga pakusgan pa ang ilang intelligence gathering.
Gipagawas usab niini nga ang hotline numbers nga katawagan kung dunay mga susamang panghitabo.
Matud pa niini nga maayong depensa kontra sa mga terorista mao ang pagka mabinatayon .
Gipasalig usab niini sa publiko nga kontrolado sa mga kapulisan ang maong sitwasyon ug padayon sila nga mihimo ug mga stratehiya alang sa pagsiguro sa kaluwasan sa publiko.
